நீங்கள் தேடியது "பிரிஸ்பேன் ஹீட்"

பிக் பாஷ் டி20 கிரிக்கெட் லீக்கில் நேற்று மூன்று ஆட்டங்கள் நடைபெற்றன. முதல் ஆட்டத்தில் சிட்னி தண்டர் - அடிலெய்டு ஸ்டிரைக்கர்ஸ் அணிகள் மோதின. முதலில் பேட்டிங் செய்த சி்ட்னி தண்டர் கேப்டன் ஷேன் வாட்சன் (68), சங்கா (30) ஆகியோரின் சிறப்பான ஆட்டத்தால் 6 விக்கெட் இழப்பிற்கு 168 ரன்கள் சேர்த்தது.

பின்னர் 169 ரன்கள் அடித்தால் வெற்றி என்ற இலக்குடன் அடிலெய்டு களம் இறங்கியது. இங்க்ராம் 48 ரன்கள் சேர்த்தார். மற்ற வீரர்கள் சொற்ப ரன்களில் ஆட்டமிழந்ததால், அந்த அணி 97 ரன்னில் சுருண்டது. இதனால் சிட்னி தண்டர் 71 ரன்கள் வித்தியாசத்தில் வெற்றி பெற்றது.

2-வது ஆட்டத்தில் பிரிஸ்பேன் ஹீட் - மெல்போர்ன் ரெனேகட்ஸ் அணிகள் மோதின. முதலில் பேட்டிங் செய்த பிரிஸ்பேன் ஹீட் பிரையன்ட் (44), மெக்கல்லம் (69), கிறிஸ் லின் (66) ஆகியோரின் சிறப்பான ஆட்டத்தால் 4 விக்கெட் இழப்பிற்கு 192 ரன்கள் குவித்தது.

பின்னர் 193 ரன்கள் அடித்தால் வெற்றி என்ற இலக்குடன் மெல்போர்ன் ரெனேகட்ஸ் அணி களம் இறங்கியது. பிரிஸ்பேன் ஹீட் அணியின் பந்து வீச்சை தாக்குப்பிடிக்க முடியாமல் 91 ரன்னில் சுருண்டது. இதனால் பிரிஸ்பேன் ஹீட் அணி 101 ரன்கள் வித்தியாசத்தில் வெற்றி பெற்றது.



3-வது ஆட்டத்தில் சிட்னி சிக்சர்ஸ் - பெர்த் ஸ்கார்சர்ஸ் அணிகள் மோதின. முதலில் பேட்டிங் செய்த சிட்னி சிக்சர்ஸ் 5 விக்கெட் இழப்பிற்கு 177 ரன்கள் குவித்தது. பின்னர் 178 ரன்கள் அடித்தால் வெற்றி என்ற இலக்குடன் களம் இறங்கிய பெர்த் ஸ்கார்சர்ஸ் 18.5 ஓவரில் 3 விக்கெட் இழப்பிற்கு 178 ரன்கள் சேர்த்து 7 விக்கெட் வித்தியாசத்தில் வெற்றி பெற்றது. தொடக்க பேட்ஸ்மேன் பான்கிராப்ட் ஆட்டமிழக்காமல் 87 ரன்களும், டர்னர் 30 பந்தில 60 ரன்களும் குவித்தனர்.

ஆஸ்திரேலியாவில் நடைபெற்று வரும் பிக் பாஷ் டி20 லீக் தொடரில் இன்று நடைபெற்ற ஒரு ஆட்டத்தில் பிரிஸ்பேன் ஹீட் - சிட்னி சிக்சர்ஸ் அணிகள் பலப்பரீட்சை நடத்தின.

டாஸ் வென்ற சிட்னி சிக்சர்ஸ் பீல்டிங் தேர்வு செய்தது. அதன்படி பிரிஸ்பேன் ஹீட் முதலில் பேட்டிங் செய்தது. தொடக்க வீரர் பிரையன்ட் 28 பந்தில் 34 ரன்கள் சேர்த்தார். அடுத்து வந்த கேப்டன் கிறிஸ் லின் 55 பந்தில் 84 ரன்கள் விளாச பிரிஸ்பேன் ஹீட் 20 ஓவரில் 7 விக்கெட் இழப்பிற்கு 164 ரன்கள் சேர்த்தது.

பின்னர் 165 ரன்கள் சேர்த்தால் வெற்றி என்ற இலக்குடன் சிட்னி சிக்சர்ஸ் அணி களம் இறங்கியது. கேப்டன் ஹென்ரிக்ஸ் 57 ரன்னும், அவெண்டானோ 30 ரன்னும், சில்க் 46 ரன்களும் விளாச சிட்னி சிக்சர்ஸ் அணி 19.3 ஓவரில் 5 விக்கெட் வித்தியாசத்தில் 165 ரன்கள் எடுத்து ஐந்து விக்கெட் வித்தியாசத்தில் வெற்றி பெற்றது.

மற்றொரு ஆட்டத்தில் மெல்போர்ன் ரெனேகட்ஸ் அணியை 7 விக்கெட் வித்தியாசத்தில் வீழ்த்தியது மெல்போர்ன் ஸ்டார்ஸ்.

ஆஸ்திரேலியாவில் ஆண்டுதோறும் நடைபெற்று வரும் பிக் பாஷ் டி20 லீக் தொடரின் 2018-19 சீசன் இன்று தொடங்கியது. பிரிஸ்பேனில் நடைபெற்ற தொடக்க ஆட்டத்தில் நடப்பு சாம்பியன் அடிலெய்டு ஸ்ட்ரைக்கர்ஸ் - பிரிஸ்பேன் ஹீட் அணிகள் மோதின.

முதன்முறையாக காய்ன் சுண்டப்படுவதற்குப் பதிலாக பேட் தூக்கிப்போடப்பட்டது. இதில் அடிலெய்டு அணி டாஸ் வென்று பந்து வீச்சு தொடங்கியது.

அதன்படி பிரிஸ்பேன் ஹீட் அணியின் பிரெண்டன் மெக்கல்லம், பிரையன்ட் தொடக்க வீரர்களாக களம் இறங்கினார்கள். மெக்கல்லம் 4 ரன்னில் ஆட்டமிழந்தது ஏமாற்றம் அளித்தார். பிரையன்ட் 22 ரன்னிலும் வெளியேறினார். அடுத்து வந்த கேப்டன் கிறிஸ் லின் 20 பந்தில் நான்கு பவுண்டரி, 2 சிக்சருடன் 33 ரன்கள் சேர்த்தார். விக்கெட் கீப்பர் பெய்ர்சன் 13 பந்தில் 24 ரன்கள் சேர்க்க பிரிஸ்பேன் ஹீட் 19.4 ஓவரில் 146 ரன்கள் சேர்த்து ஆல்அவுட் ஆனது. அடிலெய்டு ஸ்ட்ரைக்கர்ஸ் அணியின் சுழற்பந்து வீச்சாளரான ரஷித் கான் 4 ஓவரில் 19 ரன்கள் மட்டுமே விட்டுக்கொடுத்து 3 விக்கெட்டுக்கள் கைப்பற்றினார்.



பின்னர் 147 ரன்கள் எடுத்தால் வெற்றி என்ற இலக்குடன் அடிலெய்டு அணியின் கேப்டன் அலெக்ஸ் கேரி, வெதரால்டு ஆகியோர் தொடக்க வீரர்களாக களம் இறங்கினார்கள். வெதரால்டு 17 ரன்னில் ஆட்டமிழந்தார். அலெக்ஸ் கேரி சிறப்பாக விளையாடி 46 பந்தில் 5 பவுண்டரி, 4 சிக்சருடன் 70 ரன்கள் குவித்தார். வெல்ஸ் ஆட்டமிழக்காமல் 22 பந்தில் 24 ரன்கள் சேர்க்க அடிலெய்டு ஸ்ட்ரைக்கர்ஸ் 19.1 ஓவரில் 5 விக்கெட் இழப்பிற்கு 147 ரன்கள் எடுத்து 5 விக்கெட் வித்தியாசத்தில் வெற்றி பெற்றது.

ஐபிஎல் தொடரில் இரண்டு கோடிக்கு மேல் ஏலம் போன அடிலெய்டு கேப்டன் இன்ங்கிராம் 1 ரன்னில் ஆட்டமிழந்து ஏமாற்றம் அளித்தார்.

ஆப்கானிஸ்தான் அணியின் இளம் சுழற்பந்து வீச்சாளர் முஜீப் உர் ரஹ்மான். 17 வயதே ஆன இவரை ஐபிஎல் தொடரில் கிங்ஸ் லெவன் பஞ்சாப் அணி ஏலத்தில் எடுத்தது. ஐபிஎல் தொடரில் சிறப்பாக பந்து வீசியதால், சர்வதேச அளவில் புகழ் பெற்றார்.



இதனால் சர்வதேச அளவில் பெரும்பாலான டி20 லீக் தொடரில் விளையாடி வருகிறார். இந்நிலையில் ஆஸ்திரேலியாவில் நடைபெறும் பிக் பாஷ் தொடரில் விளையாடும் பிரிஸ்பேன் ஹீட் அணி அவரை ஒப்பந்தம் செய்துள்ளது.

ஐபிஎல் தொடரில் 11 போட்டியில் 14 விக்கெட்டுக்கள் வீழ்த்தினார் முஜீப் உர் ரஹ்மான்.